في هذا الدرس يعطي ريبال مثال من أغنية "كلمات" لماجدة الرومي , و لكن بطريقة الفوكاليز ليوضح الفوكاليز أكثر. يتحدث ريبال أيضا عن صوت "الفالسيت" أو الصوت المستعار.
ريبال خضري:
"هلأ أنا بلشت بتمرين كتير بسيط مع الوقت حنصير انكتر من هاي التمارين وحنصير نخلي المسافات أوسع من هيك كتير ضروري نبه بجيلي كتير طلاب لما هنن بكونوا بدهن يغنوا بقلن مثلا اعملي (يعزف الاستاذ الريبال التمرين).
اذن شو بصير يعملها الاّه بصير يعملها (يعزف الاستاذ الريبال التمرين) لأ ما بصير فتحت التم دائما التم دائما فتحته ثابتة ما بصير أنه أنا افتح فوق كتير وتحت كتير وما بعرف شو لأ بس لما بنزل لتحت بحاول اني اكتر انتبه على فتحت تمي بحيث أنو تضل دائما مفتوحة بس ابدا ما بغير ضمن نفس التمرين فتحت تمي لأنه طبيعية الصوت المخرج هيك فأنا عم بخرج الصوت دائما هيك اذا انا سكرته وبالأصل انا صرت تحت بس صرت مثلا بمكان منخفض فبتكون الأشعة الصوتية أقل بصير هادا شي بخلي الفوليوم قليل لما نحنا نفوت على استديو نسجل أي أغنية بصير الموضوع أصعب عنا بكتير تعالو نجرب ناخد أي أغنية أي أغنية نحنا بدنا ياها نجرب نعمللها فوكاليز مثلا هناخد مثلا أغنية كلمات ماجدة الرومي مثلا أنا مش رح اعزف أنا رح اتخيل كيف ممكن أني أنا غنيها أول شغلة بدي حطها ببالي أنه أنا ما رح غني أغنية كلمات باحساس ولا رح غني بكلمات اساسا انا رح قولها اّهات رح قول الموسيقى اللي بالبداية مثلا اذا بدي قولها بصوت انثوي (يقرأ الاستاذ الريبال التمرين قراءة ايقاعية) ما بدي فكر أني انا بدي املها باحساس ليه أنا هاد مكان براكتيسنغ مش مكان غناء لأ بعدين (يقرأ الاستاذ الريبال التمرين قراءة ايقاعية) نفس ما بصير اني قولها (يقرأ الاستاذ الريبال التمرين قراءة ايقاعية).
ابدا ما بصير اني غير مكان بالصوت دائما صوتي لقدام (يقرأ الاستاذ الريبال التمرين قراءة ايقاعية) لو جربت قولها كشب بدي قولها (يقرأ الاستاذ الريبال التمرين قراءة ايقاعية) فوق ما بصير تكون () لأ لازم نفس المكان () ابدا ما فكرت أني غنيها () ابدا خليتها دائما كتلة وحدة ولقدام () لما بدي انزل دائما فاتح تمي لقدام طبعا مش المهم اني وأنا عم بغني بكون عم غني بهاي الفوكاليز مبسوط وطاير عقلي وانا عم فكر بالأحساس لأ أنا بدي كون كتير مركز بأنه علاماتي بدي يكونوا كتير صح لحن صح فتحت تمي صح وضغط الصوت دائما لقدام الفوكاليز في بعض احيانا من من المؤلفين العرب باستخدموا ببعض اغانيهن غالبا هو مش مستعمل عند الشباب أكتر ما هوه مستعمل عند البنات ضمن الغناء ضمن الأغاني وليس ضمن التدريبات مثلا بنلاقي مثلا في عنا هلأ عند بالأجانب عند مغنين الأوبرا أو عند البلدات الاوروبية حتى بالموسيقى الشعبية أو البوب بنلاقي بعض المغنين ممكن انهن يستعملو بشكل كتير عادي متل كريس دي بيرغ كتير بستعمل صوت الفالسيت وهوه عم يغني مثل في أسماء كتير مثل مايكل جاكسون كتير ممكن يستعمل صوته الفالسيت وهوه عم يغني.
هلأ عنا في العالم العربي الذكور غير مقبول منهن أنه احنا نستعمل هاد صوت الفالسيت الا في بعض المغنين حاولو انهن يخرجوا عن القاعدة مثل على سبيل المثال صابر الرباعي بعض الأغاني بنلاقي بعض المناطق هاي شوي بستعمل شوي صوت الفالسيت هنقول انا قلبي دليلي سوا بس ضروري كتير نبه أنه الفوكاليز الموجود بالنص بعد تقريبا أول مقطع اللي هلأ هنقوله هوه فوكاليز نسائي لهل شي أنا رح حاول غني بالبداية بصوتي الذكوري بعدين رح نشوف كيف البنت عادة بتقدمهن بامكانكن طبعا تفتحوا على الأنترنت وتسمعوا انا قلبي دليلي لليلى مراد تشوفوا كيف قدمت (يعزف الاستاذ الريبال التمرين) بنات هلأ طبعا ضروري أنا اني نظم نفسي بكل مقطع من هدول مقاطع اذا أنا مشيت نفس واحد من البداية للأخر حيكون اللي انا عم غنيه هأوصل لمرحلة أنا بحاجة نفس رح ارجع زكر مثلا () بعدين () هلأ لو اطلعنا على معدتي () لو طلعت على معدتي رح شوف أنه () معدتي عم ترسم العلامات أكتر ليه لأنه أنا بحاجة دائما الدرجات العالية بحاجة أني أنا اضغط من معدتي أكتر هلأ اليوم أخدنا فكرة عامة عن الفوكاليز كيف ممكن اني أنا استعملهن بشكل دائم كل درس رح نبلش فيه رح نحاول أنه يكون في ببدايته تمرين أو تنين فوكاليز ورح نحاول نطبقهن سوا.
الدروس جايه انشاءالله رح نحكي عن رح نحكي عن بالدروس الجايه رح نحكي عن مخارج الحروف بالغناء العربي اختلافها عن مخارج الحروف بغير انماط الغناء."
